ՎՍՀ-ում Հայաստանի Հանրապետության դեսպան Վահրամ Կաժոյանի աշխատանքային այցը Դանանգ քաղաք:

04 մայիսի, 2022

Աշխատանքային այցով Վիետնամի Դանանգ քաղաքում գտնվող Վիետնամի Սոցիալիստական Հանրապետությունում ՀՀ Արտակարգ և լիազոր դեսպան Վահրամ Կաժոյանը (Vahram Kazhoyan) ս.թ. մայիսի 4-ին հանդիպումներ է ունեցել Դանանգ քաղաքի ժողովրդական կոմիտեի փոխնախագահ Լե Քուանգ Նամի (Le Quang Nam), ինչպես նաև Սան Գրուպ կազմակերպության կենտրոնական տարածաշրջանի նախագահ Նգույեն Վան Բինի (Nguyen Van Binh) հետ:

Հանդիպումների ընթացքում Վիետնամում ՀՀ դեսպան Վահրամ Կաժոյանը քննարկել է երկկողմ օրակարգում առկա հարցեր, ինչպես նաև Հայաստանի և Վիետնամի միջև առևտրատնտեսական ոլորտում հարաբերությունների զարգացմանը և խորացմանը վերաբերող հարցեր:

Այցի շրջանակներում տեղի ունեցած հանդիպումների ընթացքում ձեռք են բերվել մի շարք կարևոր պայմանավորվածություններ՝ ուղղված հիմնականում առևտրատնտեսական ոլորտում երկու երկրների միջև հարաբերությունների հետագա զարգացմանը և խորացմանը և կողմերը հաստատակամ են դրանց իրականացմանն ապագայում:

Վիետնամում ՀՀ դեսպան Վահրամ Կաժոյանի՝ Դանանգում կայացած հանդիպումներին մասնակցում էր ՀՀ դեսպանության երկրորդ քարտուղար Արամազդ Մուրադյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր